Yunanıstanın “Aegean Airlines” aviaşirkəti Yaxın Şərqdə gərginləşən münaqişə səbəbindən Beyrut (Livan), Əmman (İordaniya) və Təl-Əvivə (İsrail) uçuşların ləğv edilməsi qərarının qüvvədə olma müddətinin avqustun 13-dək uzadıldığını açıqlayıb...
“Report” TASS-a istinadən xəbər verir ki, bu barədə şirkətin məlumatında deyilir.
“Yaxın Şərqdə baş verən hadisələrlə əlaqədar Beyruta (Rafik Həriri adına beynəlxalq hava limanı), Təl-Əvivə (Ben Qurion adına beynəlxalq hava limanı) və Əmmana (Kraliça Aliyə adına beynəlxalq hava limanı) bütün planlaşdırılmış reyslər 13 avqust 2024-cü il tarixinədək ləğv edilib. Ləğvin təsir etdiyi sərnişinlər, eləcə də 31 avqust 2024-cü ilə qədər Beyrut, Əmman və Təl-Əvivə uçmaq və ya oradan qayıtmaq istəyən sərnişinlər bizimlə əlaqə saxlaya və pulsuz olaraq 31 dekabr 2024-cü il tarixinədək yeni səyahət tarixlərini seçə bilərlər”, - məlumatda deyilir.
Poliqon.info
Digərxəbərlər
Populyar xəbərlər
