ABŞ-ın keçmiş prezidenti Donald Tramp yenidən dövlət başçısı seçiləcəyi təqdirdə Ukraynanı Rusiya ilə danışıqlara məcbur etməyi planlaşdırır...
Poliqon xəbər verir ki, bu barədə Macarıstan mətbuatı yazır.
“Seçkilərdən əvvəl Trampdan hər hansı sülh təşəbbüsü gözləyə bilmərik. Bununla belə, əminliklə deyə bilərəm ki, seçkilərdəki qələbəsindən az sonra o, inauqurasiyasını gözləməyəcək, dərhal sülhməramlı kimi çıxış etməyə hazır olacaq”, deyə Macarıstanın baş bildirib.
Eyni zamanda Orban vurğulayıb ki, Trampın sülh prosesinə başlamaq üçün “yaxşı işlənmiş planları” var. O, həmçinin əlavə edib ki, bu vəziyyətdə Avropa İttifaqı ölkələri Ukraynada münaqişənin sülh yolu ilə nizamlanmasına kömək etmək üçün Rusiya ilə birbaşa diplomatik əlaqələri bərpa etməlidirlər.
Qeyd edək ki, öz növbəsində Çin də Avropa İttifaqını bu ilin mayında Braziliya ilə birgə hazırladığı Ukrayna ilə bağlı sülh planını qəbul etməyə inandırmaq istəyir. “South China Morning Post” nəşrinin yazdığına görə, Çin avropalı həmkarları ilə danışıqlar zamanı Ukraynadakı münaqişə ilə bağlı danışıqların tonunu nəzərəçarpacaq dərəcədə dəyişib və Pekin bu məsələdə özünü “inamlı” hiss edir.
Poliqon.info
Digərxəbərlər
Populyar xəbərlər
