Amerika administrasiyasının hazırkı rəhbəri, demokrat Co Bayden Respublikaçılar Partiyasından vitse-prezidentliyə namizəd Ceyms Devid Vens arasında heç bir siyasi fərq görmür...
Poliqon xəbər verir ki, Amerika lideri bunu bazar ertəsi Nevada ştatının Las-Veqas kampaniyasına getməzdən əvvəl Vaşinqton yaxınlığındakı Endryus hərbi bazasında jurnalistlərin suallarını cavablandırarkən deyib.
Jurnalistlərlə söhbəti zamanı Bayden Vensi Trampın siyasi klonu adlandırıb.
“Vens Trampın siyasi klonudur. Mən onların aralarında heç bir fərq görmürəm”, deyə Amerika lideri bildirib.
Qeyd edək ki, Tramp bazar ertəsi Ohayo ştatından 39 yaşlı respublikaçı senator Ceyms Devid Vensi vitse-prezidentliyə namizəd seçdiyini açıqlayıb. Sonuncu 2023-cü ilin yanvarından ABŞ Senatında çalışır.
Vens ardıcıl olaraq Vaşinqtonun Kiyevə silah tədarükünü dayandırmağı və Ukraynadakı münaqişəni tez bir zamanda həll etməyi müdafiə edir. Bir müddət əvvəl Vens The New York Times qəzetinə müsahibəsində bəyan edib ki, Ukraynaya neytral status verilməli, onun sərhədləri indiki vəziyyətdə dondurulmalıdır.
Poliqon.info
Digərxəbərlər
Populyar xəbərlər
