Qalıqları aşkar edilən Birinci Qarabağ müharibəsində itkin düşmüş hesab olunan şəhid Məmməd Hüseyn oğlu Mirzəyevlə Ağdam rayonunun Quzanlı qəsəbəsində keçirilən vida mərasimi başa çatıb...
“Report”un Qarabağ bürosunun məlumatına görə, şəhidin nəşi Quzanlı qəsəbəsi Şəhidlər xiyabanında dəfn olunub.
Dəfn mərasimində şəhidin doğmaları, Ağdam Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
***
Qalıqları aşkar edilən Birinci Qarabağ müharibəsində itkin düşmüş hesab olunan şəhid Məmməd Hüseyn oğlu Mirzəyevin nəşi Ağdam rayonuna gətirilib.
“Report”un Qarabağ bürosunun məlumatına görə, şəhidin nəşi Ağdam rayonunun “Dördyol-2” qəsəbəsində ailəsinə təhvil verilib.
Hazırda qəsəbədə şəhidlə vida mərasimi keçirilir.
Qeyd edək ki, Məmməd Hüseyn oğlu Mirzəyev 1967-ci il noyabrın 5-də anadan olub. O, 1992-ci il fevralın 17-də Xocavənd rayonunun Qaradağlı kəndində itkin düşüb.
M.Mirzəyev Quzanlı qəsəbəsi Şəhidlər xiyabanında dəfn olunacaq.
Poliqon.info
Digərxəbərlər
Populyar xəbərlər
