Omanda məscid yaxınlığında baş verən atışma nəticəsində azı 4 nəfər ölüb, bir neçə nəfər yaralanıb...
Poliqon xarici mətbuata əsasən xəbər verir ki, bu barədə Oman polisi X sosial şəbəkəsindəki səhifəsində məlumat yayıb.
Departament hər hansı təfərrüat açıqlamayıb, sadəcə olaraq məsələ ilə bağlı araşdırmalara başlanıldığını bildirib.
“Vəziyyəti aradan qaldırmaq üçün bütün təhlükəsizlik tədbirləri görülüb və istintaq çərçivəsində sübutların toplanması prosedurları tamamlanır”, deyə polisin açıqlamasında deyilir.
BBC öz növbəsində, Omanın paytaxtı Maskatın Əl-Vadi Əl-Kəbir bölgəsindəki məscidin yaxınlığında ən azı bir nəfərin avtomatdan atəş açdığını iddia edib.
Qeyd edək ki, Oman Səudiyyə Ərəbistanı, Birləşmiş Ərəb Əmirlikləri və Yəmənlə həmsərhəddir. Əksəriyyəti müsəlman olan ölkədə belə hücumlar nadir hallarda baş verir.
Poliqon.info
Digərxəbərlər
Populyar xəbərlər
