Moskva yaxınlığındakı "Krokus Siti Holl" konsert zalında törədilən terror aktında Rusiya vətəndaşları da daxil olmaqla, Mərkəzi Asiya və Avropa ölkələrindən olan nümayəndələrdən ibarət beynəlxalq komanda iştirak edib...
Poliqon TASS Agentliyinə istinadən xəbər verir ki, bu barədə "Rosfinmonitorinq"in rəhbəri Yuri Çixançin Federasiya Şurasında çıxışı zamanı bildirib. Onun sözlərinə görə, istintaq davam edir.
"Ancaq deyə bilərəm ki, bu, müxtəlif ölkələrdən olan nümayəndələrdən ibarət beynəlxalq komandadır. Bunlar Mərkəzi Asiya ölkələrinin, Avropa ölkələrinin nümayəndələridir və aralarında çoxlu ruslar var", deyə Çixançin bildirib.
Bundan əvvəl Rusiya Xarici İşlər Nazirliyinin rəis müavini Sergey Ryabkov bildirib ki, "Krokus Siti Holl" konsert zalında törədilən terror aktının maliyyə izi xarici müştərilərə aparır.
Martın 22-də axşam saatlarında Krasnoqorskdakı "Krokus Siti Holl" konsert zalında terror aktı baş verib. Pulemyotlarla silahlanmış bir neçə şəxs atəş açıb və daha sonra konsert məkanında hücumu davam etdirib. Ardınca binada yanğın baş verib.
"Krokus Siti Holl"dakı terakt 2004-cü ildə Beslandakı terror aktından sonra Rusiyada ən qanlı terror aktıdır. Hadisə nəticəsində ən azı 144 nəfər ölüb, 360-dan çox insanın yaralanıb.
"Krokus Siti Holl" Rusiyanın Krasnoqorsk şəhərində yerləşən konsert zalıdır. "Krokus Siti Holl"un təsisçisi azərbaycanlı iş adamı Araz Ağalarovdur. O, zalın inşasına 70 milyon dollar sərmayə yatırıb. "Krokus Siti Holl" 2009-cu il oktyabrın 25-də açılıb və Müslüm Maqomayevin xatirəsinə adlandırılıb.
Poliqon.info
Digərxəbərlər
Populyar xəbərlər
