Paşinyan: Lukaşenko üzr istəsə, KTMT ilə bağlı mövqeyimi dəyişərəm...

Poliqon news.am portalına istinadən xəbər verir ki, Paşinyan heç vaxt Minskə getməyəcəyinə söz verib və Belarusun ittifaqdan çıxacağı və ya Lukaşenko üzr istəyəcəyi təqdirdə KTMT ilə bağlı mövqeyi dəyişə biləcəyini bildirib.

“KTMT ölkələrinin liderlərindən biri müharibənin hazırlanmasında iştirak etdiyini, Azərbaycanın qələbəsini ruhlandırdığını, inandığını və arzuladığını bildirib. Bundan sonra mən Belarusun rəhbəri ilə KTMT formatında nəyisə müzakirə etməyə gedəcəyəm? Bildirirəm ki, hər nə qədər Aleksandr Lukaşenko Belarusun prezidentidir, bundan sonra bir daha Belarusa getməyəcəm. Ümumiyyətlə, bəyan edirəm ki, bundan sonra Ermənistanın heç bir rəsmi nümayəndəsi Belarusa getməyəcək”, deyə Paşinyan parlamentin iclasında bildirib.

Ermənistanın baş naziri qeyd edib ki, ölkəsinin KTMT-yə üzvlüyü ilə bağlı heç nəyi istisna etmir. O, etiraf edib ki, əgər Lukaşenko Ermənistan xalqı üçün məqbul olan üzrxahlıq və izahat sözləri taparsa, İrəvan hərbi ittifaqda qalacaq.

Qeyd edək ki, Paşinyan bir gün əvvəl, iyunun 12-də Ermənistana KTMT-dən çıxacağını istisna etməyib. O, bunu onunla izah edib ki, assosiasiyanın ən azı iki ölkəsi, Ermənistana dəstək imitasiyası yaratsa da, ona qarşı müharibənin hazırlanmasında iştirak ediblər.

Qeyd edək ki, mayın ortalarında Belarus Aleksandr Lukaşenko Azərbaycan prezidenti İlham Əliyevlə Şuşada görüşüb. Belarus lideri Qarabağ müharibəsini azadlıq müharibəsi adlandırıb və belə bir müharibədə qələbənin mümkünlüyünü hələ müharibə başlamamış Əliyevlə müzakirə etdiyini deyib.

İkinci Qarabağ müharibəsi 2020-ci il sentyabrın 27-də başlayıb və 44 gün davam edib və Azərbaycan qələbəsi ilə başa çatıb. Bu müharibədən sonra Azərbaycan Qarabağın əhəmiyyətli hissələrini öz nəzarətinə qaytarıb. 2023-cü ilin sentyabrında Bakı Qarabağ ərazisini tamamilə nəzarətə götürüb vəelə həmin vaxtdan da separatçı qurum rəsmən fəaliyyətini dayandırıb.

Poliqon.info