Elm adamları qədim Maya imperiyasına aid olan və yeniyetmə oğlanların dəfn olunduğu sirrli toplu məzarlıq aşkar ediblər...
Poliqon xəbər verir ki, bu barədə “Nature” jurnalında dərc olunan araşdırmada bildirilir. Yeni araşdırma nəticəsində məlum olub ki, kütləvi məzarlıqda qədim Mayya ayinlərinin bir hissəsi olaraq qurban kəsilən 100-dən çox insanın qalıqları var. Qalıqların hamısı yeniyetmə oğlanlara aid olub və onlar 500 il ərzində eyni məzarlıqda dəfn edilib.
Arxeoloqlar 1967-ci ildə Meksikanın Yukatan yarımadasındakı Mayyaların Çiçen-İtsa şəhərindəki yeraltı su anbarında tapılan 64 skeletin DNT analizindən sonra bu qənaətə gəliblər.
Radiokarbonla aparılan analizlər göstərib ki, anbardan 7-ci əsrin əvvəlləri ilə 12-ci əsrin ortaları arasında istifadə edilib. Həmçinin genetik analizlər göstərib ki, oradakı insanların hamısı oğlan uşaqlardır və onların dörddə biri yaxın qohumdur.
500 il müddətində toplu məzarlıqda basdırılan oğlanların necə öldüyü hələlik bəlli deyil.
Tədqiqatçılar bəzi dəfn xüsusiyyətlərini təəccüblə qarşılayıblar, çünki oxşar Maya dəfnlərində adətən ya yalnız gənc qadınlar, ya da kişi və qadınların qarışığı basdırılıb.
“Ənənəvi olaraq, yeraltı mühitlə əlaqəli dəfnlər adətən məhsuldarlıq qurbanlarıdır. Amma biz bu dəfnlərin hamısının kişi olduğunu və bir çoxunun bir-biri ilə əlaqəli olduğunu aşkar etdikdə əhvalat dəyişdi. İndi bunu anlamağa çalışmaq lazımdır”, deyə alimlər qeyd ediblər.
Poliqon.info
Digərxəbərlər
Populyar xəbərlər
