Bazar günü Asiya Təhlükəsizlik Konfransındakı çıxışında Ukrayna prezidenti Volodimir Zelenski Çini Rusiyaya İsveçrənin Ukraynada müharibə ilə bağlı təşkil etdiyi sülh konfransını pozmağa kömək etməkdə ittiham edib.
Poliqon iqtisadiyyat.az-a istinadən xəbər verir ki, bu barədə AP məlumat yayıb.
Sinqapurda "Şanqri-La" müdafiə konfransında keçirdiyi mətbuat konfransında Zelenski deyib ki, Çin digər ölkələrə və onların liderlərinə qarşıdakı danışıqlarda iştirak etməmək üçün təzyiq edir.
"Rusiya Çinin regiondakı nüfuzundan istifadə edərək, Çin diplomatları ilə birlikdə sülh sammitini pozmaq üçün hər şeyi edir. Çin kimi böyük, müstəqil, qüdrətli bir ölkənin Putinin əlində alət olması təəssüf doğurur", - Zelenski qeyd edib.
Günün əvvəlində etdiyi çıxışda Zelenski yüksək səviyyəli müdafiə rəsmilərini qarşıdan gələn sammitdə iştirak etməyə çağıraraq, bəzi ölkələrin qoşulmaq öhdəliyi götürə bilməməsindən məyus olduğunu deyib.
Poliqon.info
Digərxəbərlər
Populyar xəbərlər
