Rusiya ilə Yaponiya arasında ticarət dövriyyəsi aprelin sonunda 16,22% azalaraq 85,56 milyard yen və ya təxminən 547,6 milyon dollar təşkil edib...
Poliqon xəbər verir ki, yapon avtomobilləri Rusiya idxalının əsas kateqoriyasına çevrilib. Ticarət dövriyyəsinin 24,52 faizi onların payına düşüb. Sanksiyalara baxmayaraq, Yaponiyadan Rusiyaya avtomobil tədarükü ay ərzində cəmi 0,8% azalıb. Eyni zamanda, ehtiyat hissələrinin tədarükü 15,6%, motosikletlərin tədarükü isə 44,1% artıb. Bundan əlavə, Rusiya Yaponiyadan tibbi məhsulları (+2,4%) və kompüter hissələrini (+5000%) alıb. Plastik materialların, rezin, kağız, generator və kompüterlərin tədarükü azalıb.
Aprel ayında Yaponiya Rusiyanın enerji resurslarını (ticarət dövriyyəsinin 35,03%-i) və ərzaq məhsullarını (ticarət dövriyyəsinin 13,41%-i), xüsusilə balıq və tərəvəzləri fəal şəkildə idxal edib. Asiya ölkəsi Rusiyadan dəmir-polad məmulatlarının alışını da 3,8% artırıb.
Poliqon.info