Ketamin doğuşdan sonrakı depressiyadan qurtulmağa kömək edə bilər

Poliqon xəbər verir ki, bu barədə “Euronews” telekanalının məlumatında bildirilir. Telekanal xəbər verir ki, həkimlər doğuş zamanı qadınların müalicəsi üçün yeni yanaşmaları fəal şəkildə öyrənirlər. ABŞ və Çindən olan bir qrup tərəfindən aparılan araşdırmalar yeni analar üçün psixodelikanın effektivliyini göstərib. Belə ki, onların məlumatlarına görə, uşaq doğulduqdan dərhal sonra verilən aşağı dozada S-ketaminin birdəfəlik inyeksiyası əvvəllər prenatal depressiya keçirmiş qadınlarda depressiv epizodların sayını xeyli azaldır.

Çin doğum xəstəxanalarında 2 il davam edən ikiqat kor araşdırmada həkimlər psixiatrik diaqnozu olmayan təxminən 32 yaşlarında olan 361 ananı müayinə ediblər. Qadınlar iki qrupa bölünüb. Birinci qrup S-ketamin, digəri isə doğuşdan təxminən 40 dəqiqə sonra plasebo iynəsi alıb.

Plasebo qəbul edən qadınların 25,4%-i ilə müqayisədə, S-ketamin qəbul edən anaların yalnız 6,7%-i böyük depressiv epizod yaşayıb. Düzdür, bəzi analar ketamin inyeksiyasından sonra yan təsirlərlə qarşılaşıblar lakin bu yan təsirlərin hamısı 24 saat ərzində yox olub.

Ketamin və onun törəmələri artıq bir neçə ildir ki, psixiatrların diqqətindədir. Doğuşdan sonrakı depressiyaya gəlincə, bəzi həkimlər bunu "proqnozlaşdırıla bilən" adlandırırlar.

Həqiqətən, statistikaya görə, hər onuncu gənc ana güclü kədər, narahatlıq və yorğunluq hissləri yaşayır. Bu vəziyyət adətən doğuşdan iki-üç gün sonra başlayır və aylarla davam edə bilər. Digər simptomlar arasında yuxusuzluq, iştahsızlıq, şiddətli əsəbilik və uşaqla ünsiyyətdə çətinlik var. Nadir hallarda, doğuşdan sonrakı psixoz kimi tanınan ağır bir pozğunluq inkişaf edə bilər.

Cari müalicələrə psixoterapiya və ya antidepresanlar daxildir, lakin bunların etməsi üçün bir neçə həftə lazımdır.

Poliqon.info