ABŞ-nin hərbi-sənaye kompleksi böyük dövlətlərin rəqabəti şəraitində silah və sursat istehsalını sürətlə artırmağa hazır deyildi...
"Report"un məlumatına görə, bu qiymətləndirməni Vaşinqtonda Hudson İnstitutunda keçirilən seminarda ABŞ Silahlı Qüvvələrinin Baş Qərargah Rəisləri Komitəsinin maddi-texniki təchizat üzrə direktoru, general-leytenant Leonard Kosinski deyib.
Onun sözlərinə görə, Ukrayna böhranı kontekstində Rusiya iqtisadiyyatını “müharibə vəziyyətinə” salıb. "Amma biz yox. Biz kollektiv şəkildə, - mən Avropa və ABŞ-ni nəzərdə tuturam - o cümlədən müttəfiqlərimiz və tərəfdaşlarımız mövqelərini bərpa etməyə çalışırlar", - Kosinski bildirib.
"Düşünürəm ki, ən ciddi problem, hətta vasitələrimiz olsa belə, istehsalı artırmaq və lazımi miqdarda silah və sursat istehsal etmək imkanı əldə etməkdir. Ümid edirəm, buna nail olacağıq", - general deyib.
Onun fikrincə, ABŞ-nin hərbi-sənaye kompleksinin zəifləməsinə ölkənin “son iki onillikdə” “fərqli xarakterli münaqişəyə cəlb edildiyi” qərarlar səbəb olub.
General qeyd edib ki, bu günə qədər ABŞ hərbi-sənaye kompleksi “böyük güclər arasında bərabər şərtlərdə şiddətli rəqabətə hazır deyil.
Poliqon.info