ABŞ erməniləri Baydendən Azərbaycana görə üz döndərib

ABŞ-ın Miçiqan ştatında yerləşmiş ermənilər Demokratlar Partiyasının bu ştatda keçirdikləri ilkin seçkilərdə Baydeni boykot edərək “boş səs” veriblər.

Poliqon xəbər verir ki, bu barədə ABŞda nəşr olunan The Armenian Weekly qəzeti məlimat yayıb. Qəzet yazır ki, Miçiqanda yaşayan ermənilər Baydeni Azərbaycanpərəst hesab etdiklərindən belə qərar qəbul ediblər. Qeyd edilir ki, Amerika Erməni Milli Komitəsi (ANKA - Armenian National Committee of America) bu barədə qərar qəbul edib.

Komitənin saytına yerləşdirilmiş məlumatda bildirilir ki, Azərbaycan Qarabağda əməliyyatlar keçirərkən Bayden administrasiyası rəsmi Bakıya qahmar çıxıb, erməniləri müdafiə etməyib:

“Bayden BMT-nin Azərbaycanı pisləmək təşəbbüslərinə mane oldu və “soyqırım”dan sonra beynəlxalq mandata uyğun olaraq ermənilərin “Artsax”a təhlükəsiz qayıtmasını təmin edən BMT qətnamələrinə rəhbərlik edə bilmədi, onları təqdim etmədi və hətta dəstəkləmədi”, deyə mətndə bildirilir.
ANKA, həmçinin hesab edir ki, Bayden 2021-ci ildə “erməni soyqırımı” ifadəsi işlədərkən, erməni seçicilərinin səsini almaqdan ötrü belə edib və prezidentin bu addımını “riyakarlıq” adlandırıb.

Ermənilər ABŞ iqtidarını həmçinin, Türkiyəyə qırıcı təyyarələrin satışına icazə verdiyinə görə də qınayıb.

Poliqon.info