Rusiyanın ihlaq etdiyi tanınmamış Abxaziyanın prezidenti Aslan Bjaniya bəyan edib ki, ölkəsi Rusiya və Belarusla İttifaq Dövləti formatında inteqrasiyanın tərəfdarıdır...
Poliqon xəbər verir ki, Aslan Bjaniyanın sözlərinə görə, Abxaziyanın "müstəqilliyini" qoruyub saxlaması vacibdir. Onun hesablamalarına görə, inteqrasiya 5-10 il çəkə bilər:
"Biz Rusiya və Belarusla bir yerdə olmaq, müstəqilliyimizi qoruyub saxlamaqla bu inteqrasiya prosesinin fəal iştirakçıları olmaq istəyirik. Birlik dövləti isə müstəqil dövlətlərin millətlərüstü strukturların yaradılması üzrə qarşılıqlı faydalı şərtlərlə razılaşdığı formatdır", deyə Aslan Bjaniya TASS-a müsahibəsində bildirib.
Abxaziya lideri qeyd edib ki, inteqrasiya zamanı o, 2014-cü ilin noyabrında imzalanmış müttəfiqlik və strateji tərəfdaşlıq haqqında dövlətlərarası sazişi rəhbər tutur:
"Və orada açıq şəkildə qeyd olunur ki, Rusiya Abxaziya Respublikasına Rusiya Federasiyasının təşəbbüsü ilə həyata keçirilən inteqrasiya proseslərində iştirak etməkdə kömək edir. Bu forma bizim gələcəyimizə, gələcəyə baxışımıza tam uyğundur".
Qeyd edək ki, 2008-ci il avqustun 26-da Rusiya prezidenti Dmitri Medvedev Abxaziyanın müstəqilliyinin tanınması haqqında fərmanlar imzalayıb. Onun müstəqilliyini Nikaraqua, Venesuela, Suriya, Nauru, Cənubi Osetiya və Dnestryanı Moldova Respublikası da tanıyıb.
Fevralın 9-da Abxaziyanın Daxili İşlər Nazirliyi Rusiya Qvardiyası ilə əməkdaşlıq müqaviləsi imzalamaq planlarını açıqlayıb. Lakin üç gün sonra daxili işlər naziri Abxaziya cəmiyyətində "qızğın müzakirələr" səbəbindən bu müqaviləni imzalamaqdan imtina edib.
Poliqon.info
Digərxəbərlər
Populyar xəbərlər
