G20 ölkələrinin xarici işlər nazirlərinin görüşündə assosiasiya üzvləri bir çox ziddiyyətlərlə üzləşdiyi üçün geosiyasi məsələlərin müzakirəsindən inimtina edə bilərlər...
Poliqon xəbər verir ki, bu barədə Bloomberg Agentliyi mənbələrə istinadən məlumat yayıb. Müzakirələrdə əsas fikir ayrılığı Ukrayna və Qəzza zolağında hərbi əməliyyatlarla bağlıdır.
Bloomberg-in məlumatına görə, fevralın 21-22-də keçiriləcək görüşdən əvvəl Cənubi Afrika və Braziliyanı təmsil edən rəsmilər bəyan ediblər ki, onlar kommünikedə İsrailin Qəzza zolağındakı hərəkətləri ilə bağlı mövqelərini əks etdirmək istəyirlər. Onlar fələstinlilərin soyqırıma məruz qaldığına inanırlar. Agentliyin mənbələri bildiriblər ki, ABŞ və Almaniya da daxil olmaqla, G20-nin digər üzvləri bu düsturdan imtina ediblər.
Bəzi G20 ölkələri hesab edir ki, görüşdə nazirlər Ukraynadakı hərbi əməliyyatlar da daxil olmaqla, geosiyasi münaqişələrin müzakirəsindən imtina etməlidirlər, çünki “bu məsələdə razılaşma mümkün deyil.
Bloomberg-in qeyd edir ki, Braziliya hakimiyyəti artıq jurnalistlərə nazirlərin görüşün yekunları üzrə hesabat verəcəklərini, lakin kommünike təqdim etməyəcəklərini bildiriblər.
Bloomberg-in mənbələrindən biri bildirib ki, G20 toplantısında “həssas siyasi mövzuların” olmaması tədbirin aktuallığını azaldacaq. Eyni zamanda, o qeyd edib ki, bu, xarici işlər nazirlərinin digər məsələlərdə, o cümlədən iqtisadiyyat sahəsində razılığa gəlməyə imkan verəcək.
Qeyd edək ki, 2023-cü ilin iyulunda G20 ölkələrinin maliyyə nazirliklərinin rəhbərləri və mərkəzi banklarının rəhbərləri Ukrayna məsələsində fikir ayrılıqlarına görə görüşün yekunlarına dair birgə bəyanatla bağlı razılığa gələ bilməyiblər. Yekun sənəddə Rusiya və Çinin mövqeləri ayrıca vurğulanıb. Oktyabr ayında keçirilən görüşdə kommünike razılaşdırılıb.
Poliqon.info
Digərxəbərlər
Populyar xəbərlər
