Macarıstan AB-nin Ukrayna ilə bağlı təhdidlərinə sərt cavab verib

Macarıstanın Avropa İttifaqı məsələləri üzrə naziri Yanoş Boka Financial Times qəzetinin təşkilatın Budapeştə təzyiq etmək planları ilə bağlı dərcini şərh edib.

Poliqon xəbər verir ki, Yanoş Boka bu barədə o, özünün Facebook səhifəsində yazıb.

Boka Avropa Birliyinin Ukraynaya yardım ayırması ilə bağlı təhdidlərinə sərt cavab verib və Macarıstanın blokun şantajına boyun əyməyəcəyini vurğulayıb.

“Bu məlumat Macarıstan hökumətinin uzun müddətdir dediklərini təsdiqləyir: Brüssel siyasi təzyiq göstərmək üçün Aİ fondlarından istifadə edir” deyə Boka bildirib.

Nazir əlavə edib ki, Macarıstan “Ukraynaya dəstəyi Aİ fondlarına çıxışla əlaqələndirmir və başqalarına bunu etməyə icazə vermir”. Onun sözlərinə görə, Budapeşt danışıqların iştirakçısı statusunu saxlayacaq, lakin şantajlara cavab verməyəcək.

Poliqon.info