Senatorlar Baydendən Yəmənə zərbələr üçün hüquqi əsaslandırma tələb edib

Poliqon xəbər verir ki, bu barədə "Defence News" nəşri məlumat yayıb.

Qanunvericilər Amerika prezidentinin zərbələri həyata keçirmək üçün qanuni səlahiyyətinin olub-olmadığını sual altına alırlar. Xüsusilə senator Tim Kayne üç həmkarı ilə birlikdə Baydenə məktub göndərərək, husilərə qarşı zərbələrin hüquqi və strateji əsaslandırılmasını tələb edib.

Sənəddə senatorlar xatırladıblar ki, Bayden hazırda Qırmızı dənizdə və ya Yəməndə qruplaşmaya qarşı hərbi əməliyyat keçirmək üçün Konqresin razılığına malik deyil.

2024-cü il yanvarın 12-nə keçən gecə ABŞ və Böyük Britaniya Niderland, Kanada, Avstraliya və Bəhreynin dəstəyi ilə Yəməndəki husi hədəflərinə kütləvi zərbələr endirib. ABŞ prezidenti Co Bayden bu addımı husilərin xarici gəmilərə hücumlarına birbaşa cavab adlandırıb.

Böyük Britaniyanın baş naziri Rişi Sunak Yəmənə endirilən zərbələrin özünümüdafiə məqsədi daşıdığını və beynəlxalq hüquq normalarına uyğun olaraq həyata keçirildiyini bildirib.

Sonrakı günlərdə də aviazərbələr davam etdirilib.

Poliqon.info