Antiterror tədbirlərindən sonra Fransa və digər ölkələr bizə tamamilə ikili standartlarla yanaşırdılar.
"Report" xəbər verir ki, bunu Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev qurumun 2023-cü ilin yekunlarına həsr olunmuş mətbuat konfransında deyib.
"Fransa Azərbaycana qarşı diplomatik müharibə aparır. İlk dəfə BMT Təhlükəsizlik Şurası çərçivəsində Azərbaycana qarşı təklif irəli sürüldü və uğursuz oldu. Məndə olan məlumata görə, payız aylarında, oktyabr-noyabrda bu məsələni yenidən qaldırmaq istəyirlər", - o əlavə edib.
F.Şəfiyev söyləyib ki, Bakı ilə Paris arasında əlaqələr mövcuddur.
Mərkəz rəhbəri deyib ki, bəzi fransız siyasilər Fransa rəhbərliyinin Azərbaycanla bağlı mövqeyini dəstəkləmir: "Belə getsə, Fransa ilə münasibətlərdə heç bir müsbət irəliləyiş olmayacaq. Ancaq Azərbaycanla Qərb münasibətləri hər iki tərəf üçün vacibdir. Bununla belə, qırmızı xətlər var, hər kəs dərk etməlidir ki, ərazi bütövlüyü, suverenlik heç vaxt Azərbaycanın kompromis subyekti ola bilməz. Bizim Fransa ilə iqtisadi əlaqələrimiz var, amma siyasi və diplomatik müstəvidə gərginlik yaradan məhz Fransadır. Bu ölkə ilə Ermənistanın hərbi əməkdaşlığı da bizi narahat edir. Əgər Ermənistan silahlanırsa, bu, kimə qarşıdır?!
Poliqon.info
Digərxəbərlər
Populyar xəbərlər
