Azərbaycan Yazıçılar Birliyinin üzvü, şair Paşa Talıblının bu günlərdə faciəvi şəkildə həyatını itirən türkoloq alim, professor Arif Acaloğlunun xatirəsinə həsr etdiyi şeiri təqdim edirik:
Qaranlıq üçün güzgü...
...qaranlıqlar heç nə demir,
deyəcəyi heç nə yoxdu?
...ümiddisə, niyə susur,
sükutdusa, niyə çoxdu?
...nə dili var, nə ağızı!
Uydurmasımı ağılın?..
Nə qədər getsən də gəlmir
bu qaranlığın axırı.
...gecə içində gecədi!
Bir işıq ki, itir sonda...
...öz-özünə belədirsə,
gerçək olan nədir onda?!
Qaranlıqlar heç nə demir,
bilmirsən qal nədi, köç nə!..
Bildiyimiz bircə şeydi –
sadə bir şey...başqa heç nə!
Sadə bir şey...başqa heç nə–
Hamı bir yerə yığışır...
...min il əvvəlin yağışdı
min il sonranın yağışı.
Olduqca qara mənzərə...
Kölgəsində itən ömür!
Bildiyimiz bircə şey var –
qaranlıqlar heç nə demir!..
Paşa Talıblı
Poliqon.info
Digərxəbərlər
Populyar xəbərlər
