Peskov: NATO Rusiyanı cilovlamaq üçün bir vasitə kimi yaradılıb

Poliqon xəbər verir ki, bunu Rusiya prezidentinin mətbuat katibi Dmitri Peskov bildirib. Kreml rəsmisinin sözlərinə görə, NATO hələ də bu planlarından əl çəkməyib.

Peskov bildirib ki, alyans “qarşıdurma aləti kimi yaradılıb”.

“Bu ittifaq elə düşünülüb və memarlığı elə qurulub ki, o, mahiyyətcə qarşıdurma aləti və bu və ya digər şəkildə ölkəmizi cilovlamaq alətidir. Ona görə də orada nə icad olunsa da, hansı bəyanatlar verilsə də, bu ittifaqın əsas məqsədi, gördüyümüz kimi, məhz Rusiyaya qarşı olmaqdan ibarətdir”, deyə Kremlin sözçüsü brifinq zamanımətbuata bildirib.

Rusiya ilə NATO arasında münaqişənin gərginləşməsi riskinin olub-olmaması ilə bağlı suala cavab olaraq, Peskov qeyd edib ki, “alyans necə deyərlər, Rusiyanı ram etmək və Ukrayna xalqını qırmaq planlarından” hələ də əl çəkməyib. Peskov qeyd edib ki, Ukrayna xalqı Rusiyaya qarşı mübarizədə qurban rolunda çıxış edir. O, əlavə edib ki, Kreml bu reallıqlara uyğun davranış xətti qurur.

Poliqon.info