Ağdamda yolların təmiri üçün ayrılan pullar hara yola çıxıb?

Xatırlaadq ki, Qaçqınların və Məcburi Köçkünlərin İşləri üzrə Dövlət Komitəsi Mənzil İstismar Departamenti Ağdam rayonu məcburi köçkün qəsəbələrində qəsəbədaxili asfalt yolların təmiri işləri üzrə 21.02.2023-cü il tarixdə başladığı açıq tender müsabiqəsini “Qarabağ Təmir-Tikinti” MMC udub. Udub demək əslində yerinə düşmür. Çünki Azərbaycanda balaca uşaq da bilir ki, bu ölkədə tenderi hələ halalıqla qazanan olmayıb. Məsələ ondadır ki, uzun illərdir yazılıb pozulmasına baxmayaraq, Azərbaycanda tenderləri sözün həqiqi mənasın “hop edib udurlar”.

Yazdığımız tenderə gəlincə isə deyə bilərik ki, “Qarabağ Təmir-Tikinti” MMC-də digərləri kimi bu tenderin pullarını “bir nəfəsə udub”. Agdam rayon Baharlı 1 və Baharlı 2 qəsəbə yollarınin təmir edəcək olan “Qarabağ Təmir-Tikinti” MMC ayrılan 615.063,2 manat məbləğində pulu elə yerbə yer edib ki, heç şeytan da gəlsə o pulalrın yerini-yurdunu tapa bilməz. Bilinən tək olur ki, bu pulların çox böyük hissəsi Agdam rayon Baharlı 1 və Baharlı 2 qəsəbə yollarınin təmirinə sərf edilməyib.

Pulalrın hara sərf olunduğunu isə yəqin ki, “pulyuyan maşın kimi çalışan “Qarabağ Təmir-Tikinti” MMC-nin rəhbəri və Qaçqınların və Məcburi Köçkünlərin İşləri üzrə Dövlət Komitəsi Mənzil İstismar Departamentinin direktoru Səbuhi Əhmədov yaxşı bilirlər. Hərhalda ayrlan pulları onlar bilikdə yerbəyer ediblər. Ona görə də onların Korrupsiyaya qarşı mübarizə idarəsi tərəfindən dindirilməsi qeyb olan pulların taleyinə işıq sala bilər.

Qeyd edək ki, Agdam rayon Baharlı 1 və Baharlı 2 qəsəbə yollarınin təmiri ilə bağlı araşdırmamız davam edir.

Poliqon.info