Ukrayna Təhlükəsizlik Xidməti (SBU) Prezident Aparatının keçmiş müşaviri Aleksey Arestoviçin fəaliyyətini araşdırır...
Poliqon xəıbər verir ki, bu barədə Milli Təhlükəsizlik və Müdafiə Şurasının katibi Oleksiy Danilov Liga.net portalına müsahibəsində bildirib.
Danilov bildirib ki, xüsusi xidmət bu sahədə işləyir, lakin çox sürətli nəticələr gözləmək lazım deyil.
“Mən “SBU heç nə etmir” ifadəsi ilə daha diqqətli olardım. Təhlükəsizlik Xidməti bununla məşğuldur. Başqa bir şey odur ki, hamı çox tez nəticə istəyir. Onlar hər şeyin bu gün baş verməsini gözləyir”, deyə MTMŞ katibi bildirib.
Danilov Arestoviçin “əslində prezidentin komandası tərəfindən idarə olunması” barədə suala belə cavab verib:
“Biz Prezident Aparatı deyilik. Mən Prezident Aparatının işinə qarışmıram, heç kimi işə götürmürəm. Orada kadrlar var və mən bu məsləhətçilərin haradan gəldiyini bilmirəm”.
Qeyd edək ki, bu yaxınlarda Aleksey Arestoviç bir neçə qalmaqalla üzləşib. O, ayrı-ayrılıqda onu prezident kimi görmək istəməyən Ukrayna vətəndaşlarını söyüb, həmçinin ödənişli seminarlarda cinsiyyətçi bəyanatlar verib və guya qadınlara qarşı istifadə etmək istədiyi zorakılığı təsvir edib.
Ukrayna Milli Təhlükəsizlik və Müdafiə Şurasının katibi Aleksey Danilov Rusiya Federasiyasının Ukrayna dövlətinə qarşı informasiya müharibəsində Aretoviçdən alət kimi istifadə edə biləcəyinə eyham vurub. Prezident Aparatının keçmiş müşaviri Danilovun belə bir işarəsinə sərt cavab verib və nalayiq sözlər işlədib.
Bir neçə gün əvvəl Arestoviç dövlət başçısı postuna namizədliyini irəli sürəcəyini təsdiqləyib. Üstəlik, seçki proqramını dərc edib. O, 14 bəndlik proqramında ərazi məsələlərini hərbi deyil, siyasi yolla həll etmək öhdəliyi ilə Ukraynanın NATO-ya üzvlüyünü tələb etməyə çağırır.
Poliqon.info
Digərxəbərlər
Populyar xəbərlər
