İran uzaqdan idarə olunan peykini orbitə buraxıb

Poliqon xəbər verir ki, bu barədə İRNA məlumat yayıb. Agentliyin məlumatına görə, peyk 450 km yüksəklikdə orbitə çıxarılıb. “Nour 3” İslam İnqilabı Keşikçiləri Korpusu (SEPAH) tərəfindən İran istehsalı olan “Ghassed” raketindən istifadə edərək buraxılıb.

Qeyd edək ki, bundan əvvəl İran hökumətinin sözçüsü Əli Bahadori Cəhromi bildirmişdi ki, İran səkkiz il ərzində kosmik gəmilərin buraxılması və digər kosmik xidmətlərin göstərilməsi sahəsində regional mərkəzə çevrilmək niyyətindədir. Onun sözlərinə görə, beynəlxalq buraxılışlar üçün əsas yer hazırda İran Kosmik Təşkilatının rəhbərliyi altında inşa olunan Çabahar kosmik bazası olacaq.

Cəhromi həmçinin bildirib ki, hökumət ölkənin daxili imkanlarından istifadə edərək müxtəlif növ telekommunikasiya, ölçmə və radar peyklərinin layihələndirilməsi və tikintisi üzrə proqramları nəzərdən keçirir.

Poliqon.info