Ersin Tatar: Şimali Kipr artıq bir reallıqdır, bizim öz vətənimizdir

“Azad iradəmizlə qurduğumuz dövlətimizin tanınmasına ehtiyac var”.

Poliqon xəbər verir ki, bunu Şimali Kipr Türk Cümhuriyyətinin prezidenti Ersin Tatar deyib.

Prezident Baş Assambleyasında çıxışında xaricdə yaşayan Kipr türklərinin birlik və bərabərlik içində olduqlarını və heç vaxt vətənlərindən ayrılmadıqlarını bildirib. Gələcək nəsillərin Şimali Kiprlə əlaqələrini qoruyub saxlamasının vacibliyinə diqqət çəkən Tatar Türkiyənin dəstəyinin vacib olduğunu vurğulayıb.

Rəcəb Tayyib Ərdoğanın BMT Baş Assambleyasındakı çıxışında Kipr türklərinə qarşı haqsızlıqlara son qoyulmalı, təzyiqçi embarqo və təcridlərin aradan qaldırılması, Şimali Kiprin müstəqilliyinin qəbul və tanınması lazım olduğunu deyib.

“Bu dəstək haqq işimizin bütün dünyada elan olunması və qəbul edilməsi üçün vacibdir”, deyə Tatar bildirib.

Fərqli ölkələrlə əlaqələrin inkişaf etdirilməsi istiqamətində aparılan işlərin əhəmiyyətinə diqqət çəkən Tatar “Şimali Kipr artıq bir reallıqdır, Kipr türklərinin öz gələcəkləri üçün müstəqil yaşaya biləcəkləri bir vətəndir, bizim öz vətənimizdir”, deyib.

Nyu Yorkdakı təmaslarına da toxunan Tatar Kipr türk xalqının ədalətli mübarizəsinin dünyada özünə yer tapması üçün Kiprdəki ayrı-seçkiliyə son qoyulmalı olduğunu bildirib.

Poliqon.info