Rusiya prezidenti Vladimir Putin sentyabrda Hindistanda keçiriləcək G20 sammitinə getməyi planlaşdırmır...
Poliqon xəbər verir ki. bunu Rusiya prezidentinin mətbuat katibi Dmitri Peskov bildirib. Onun sözlərinə görə, Putinin videobağlantı vasitəsilə sammitdə iştirakının mümkünlüyü hələ də müzakirə olunur.
“Xeyr, belə planlar yoxdur, Rusiyanın birbaşa səfərlə bağlı iştirak formatı nəzərdən keçirilmir. Prezidentin hazırda gərgin qrafiki var və əsas diqqət xüsusi hərbi əməliyyatla bağlı tədbirlərə yönəlib”, Peskov mətbuat konfransı zamanı bildirib.
Peskov xatırladıb ki, dövlət başçısı bu yaxınlarda keçirilən BRİCS sammitində uzaqdan iştirak edib: “Burada hələ də uzaq format dəqiqləşdirilir”, deyə Kremlin sözçüsü əlavə edib.
Xatırladaq ki. G20 Liderlərinin Sammiti sentyabrın 9-dan 10-dək Yeni Dehlidə keçiriləcək. ABŞ və bir sıra digər ölkələr Vladimir Putinin iştirakına qarşıdır.
Poliqon.info