ABŞ-ın Ukraynaya ayırdığı yardımın ümumi məbləği digər ölkələrə ayırdığı yardımı ötüb...
Poliqon The Washington Post qəzetinə istinadən xəbər verir ki, bu məbləğ artıq 66,2 milyard dollara çatıb.
Qeyd edilir ki, ABŞ tərəfindən 43,1 milyard dollar hərbi, 20,5 milyard dollar iqtisadi dəstəkdən əlavə 2,6 milyard dollar humanitar yardım edilib.
Nəşr vurğulayır ki, bu məbləğ ABŞ-ın istənilən başqa ölkəyə ayırdığı yardımı üstələyir və Vaşinqtonun digər müttəfiqlərinin, o cümlədən İsrail, İordaniya və Misirin ikitərəfli dəstəyini üstələyir.
Mütəxəssislərin fikrincə, bu, əslində ABŞ-ın müttəfiqə sərmayəsidir və buna bənzərləri Marşal Planından sonra görülməyib. O zaman inflyasiyaya uyğunlaşdırılmış yardımın məbləği 3 il ərzində təxminən 150 milyard dollar təşkil edirdi.
Amerikanın Ukraynaya yardımının məbləği artıq "Twitter"in dəyərini (44 milyard dollar), Ceyms Uebb kosmik teleskopunu (10 milyard dollar) və Bayden administrasiyasının tələbə krediti planının dəyərini (39 milyard dollar) ötüb.
ABŞ Ukraynaya ən böyük donor olsa da, digər ölkələr Ukraynaya yardım üçün ÜDM-in xeyli böyük hissəsini ayırıblar. Beləliklə, Kiel Dünya İqtisadiyyatı İnstitutunun məlumatına görə, Avropa hazırda ÜDM-nin ABŞ-dan daha çox hissəsini Ukraynaya xərcləyir.
Poliqon.info
Digərxəbərlər
Populyar xəbərlər
