FTX-nın sabiq polkovniki İqor Strelkov-Qirkinin həyat yoldaşı ərinin həbs olunması ilə bağlı məlumat verib...
Poliqon xəbər verir ki, “Donetsk Xalq Respublika”sının keçmiş “müdafiə naziri” İqor Strelkovun həyat yoldaşı Miroslava Reginskaya ərinin saxlanıldığını bildirib. Bu barədə Strelkovun Teleqram kanalında məlumat verilib.
“Bizə İstintaq Komitəsinin nümayəndələri gəldi”, deyə Miroslava Reginskaya bildirib.
Reginskayanın sözlərinə görə, müstəntiqlərin gəlişi zamanı o, evdə olmayıb. İndi Strelkovun harada olduğu barədə heç nə bilmir, əlaqə saxlamaq isə mümkün deyil.
“Dostlarımdan öyrənə bildim ki, ərimə Rusiya Federasiyası Cinayət Məcəlləsinin 282-ci maddəsi (ekstremizm) ilə ittiham verilib”, - deyə qadın izah edib.
Bəzi Rusiya mətbuatı isə yazır ki, Moskva vaxtı ilə saat 11:30 radələrində İstintaq Komitəsinin əməkdaşları Strelkovu qollarından tutub naməlum istiqamətə aparıblar.
Bundan əvvəl RBC iki mənbəyə istinadən “Donetsk Xalq Respublikası”nın keçmiş “müdafiə naziri” İqor Strelkovun saxlanıldığını yazıb.
Qeyd edək ki, özünü Rusiyanın vətənpərvəri olaraq təqdim edən İqor Srelkov-Qirkin son zamanlar davamlı olaraq Ukraynadakı vəziyyətə görə Rusiya prezidenti Vladimir Putini və Müdafiə Nazirliyini tənqid edir. “Vaqner” qiyamından sonra isə o, Putini istefa verməyə çağırmışdı.
Poliqon.infio
Digərxəbərlər
Populyar xəbərlər
