NATO 2014-cü ildən bəri ən əhəmiyyətli transformasiyadan keçib...
Poliqon xəbər verir ki, bu barədə NATO sözçüsü Farah Daxlallah məlumat verib.
Onun sözlərinə görə, hazırda 500 mindən çox hərbçi yüksək hazırlıq vəziyyətindədir.
"2014-cü ildən bəri NATO bir nəsildə kollektiv müdafiəmizdə ən əhəmiyyətli transformasiyadan keçib. Biz Soyuq müharibədən bəri ən əhatəli müdafiə planlarını həyata keçirmişik və hazırda yüksək hazırlıq vəziyyətində olan 500 000-dən çox əsgərimiz var", deyə xanım Daxlallah CNN-ə bildirib.
İyulun 11-də Vaşinqtonda NATO-nun 75-ci sammiti başa çatıb. Yekun bəyannamədə Rusiya blokun təhlükəsizliyinə "ən əhəmiyyətli və birbaşa təhdid", Çin isə "Ukraynaya qarşı müharibəyə töhfə verən əsas amil" adlandırılıb.
Eyni zamanda, tərəfdaşlar "Moskva ilə əlaqə kanallarını saxlamağa" və Pekinlə "konstruktiv qarşılıqlı əlaqəyə" hazır olduqlarını bildiriblər.
Poliqon.info