Almaniyanın "Volkswagen" şirkəti aktivlərini yerli investora sataraq Rusiyanı tərk edib...
Poliqon xəbər verir ki, bu barədə şirkətin mətbuat xidmətindən bildirilib.
Qeyd olunur ki, "Volkswagen" yerli törəmə şirkətlər də daxil olmaqla "Volkswagen Group Rus" MMC, eləcə də dileri "Avilon" tərəfindən dəstəklənən "Art-Finance" MMC-dəki payının satışını başa çatdırıb.
Məlumata görə, sövdələşməyə Kaluqadakı zavod, idxalçının strukturu (paylayıcı və satış sonrası biznes), həmçinin bütün əlaqəli işçilərlə anbar və maliyyə xidmətləri daxildir.
Qrup qiymət təfərrüatlarını açıqlamayıb. Eyni zamanda, Reuters Agentliyi öz mənbələrinə istinadən xəbər verir ki, sövdələşmənin məbləği 125 milyon avro (138 milyon dollar) dəyərindədir.
Qeyd olunur ki, şirkətin Kaluqadakı zavodu ildə 225 min avtomobil istehsal gücünə və 4 mindən çox işçiyə malikdir. Zavod Rusiyanın Ukraynaya müdaxiləsi səbəbindən 2022-ci ilin martından dayandırılıb.
Poliqon.info