Putin məmurlara xarici sözlərdən istifadə etməyi qadağan edib

Poliqon.info xəbər verir ki, bu barədə Kommersant qəzeti məlumat yayıb. Qəzet xəbər verir ki, Rusiya prezidenti Vladimir Putin məmurların çıxışında və rəsmi sənədlərdə əcnəbi sözlərin istifadəsini qadağan edən qanunu imzalayıb.

“Rusiya Federasiyasının dövlət dili haqqında” qanuna dəyişiklik edilir. Sənəddə bildirilir ki, rus dili xarici təsirlərdən qorunmalıdır. Yalnız istisnalar rus dilində analoqu olmayan sözlərə şamil olunur.

Analoqu olmayan xarici sözlərin siyahısı xüsusi lüğətlərdə və arayış kitablarında dərc olunacaq. Onlar rus dili üzrə komissiyanın təklifləri əsasında hökumət tərəfindən təsdiqlənəcək.

Qeyd olunur ki, qanunun normaları bütün mülkiyyət formalı təşkilatların ruslarla rəsmi münasibətləri və rəsmi yazışmaları, dövlət və bələdiyyə informasiya sistemləri, habelə mal istehlakçıları üçün nəzərdə tutulan məlumatlar üçün məcburi olacaq.

Poliqon.info