Böyük Britaniyanın müdafiə naziri Ben Uolles ölkəsinin Ukrayna ordusuna bu günə qədər ən əhəmiyyətli hərbi yardım paketini təhvil verəcəyini açıqlayıb…
Bu barədə PİA.az Britaniyanın The Guardian qəzetinə istinadən xəbər verir.
Nazirin sözlərinə görə, yeni paketə zirehli evakuasiya və təmir maşınları olan “Challenge 2” tanklarından ibarət eskadrilya, 8 AS90 özü yeriyən zenit qurğusu daxil olacaq və zamanla onların sayı daha da artırılacaq.
Bundan əlavə, yardım paketinə daxildir:
100 min artilleriya mərmisi;
100 yeniləşdirilmiş raket;
onlarla PUA;
100 zirehli texnika, o cümlədən “Bulldog” zirehli personal daşıyıcısı;
Ukrayna tanklarını və zirehli maşınlarını dəstəkləmək üçün ehtiyat hissələri.
“Bugün təqdim etdiyimiz yardım paketi Ukraynanın imkanlarının böyük artımına səbəb olacaq. Bu o deməkdir ki, onlar Rusiya qoşunlarının Ukrayna torpaqlarından çıxarılmasına başlaya bilərlər”, deyə Uolles bildirib.
Onun sözlərinə görə, Böyük Britaniya Rusiya hərbçilərinin növbəti hücumunu gözləyir. Ona görə də Ukraynanın müttəfiqləri Rusiyaya iqtisadi və hərbi təzyiq göstərmək üçün kollektiv səylərini sürətləndirməlidir.
Qeyd edək ki, Böyük Britaniya Ukraynanı əsas döyüş tankları ilə təmin edən ilk Qərb ölkəsidir.
pia.az
Digərxəbərlər
Populyar xəbərlər
