Almaniya Rusiya qazını İraq qazı ilə əvəz etmək etmək istəyir…

Almaniya kansleri Olaf Şolts Ukraynaya qarşı genişmiqyaslı hərbi təcavüz və sanksiyaların tətbiqindən sonra Almaniyanın Rusiya “mavi yanacağı”nı əvəzləyən mənbə axtarışı fonunda İraqdan qaz tədarükü üçün kampaniya aparır.

PİA.az xəbər verir ki, bu barədə Almaniyanın Deutsche Welle nəşri məlumat yayıb.

Şolts Berlində İraqın yeni Baş naziri Məhəmməd Şia əl-Sudani ilə görüşdən sonra qeyd edib ki, İraqın Almaniyaya qaz və neft idxalı əməkdaşlıq sahəsində Berlin üçün çox xoş bir tərəfdaşlıq olardı.

“Bu qa Almaniya vasitəsilə digər Avropa ölkələrinə də çatdırıla bilər”, deyə Şolts vurğulayıb.

Kansler həmçinin qeyd edib ki, Almaniya əvvəllər Rusiyadan asılı olduğu kimi yenidənhansısa ölkənin qaz təchizatından asılı olmaq istəmir.

Öz növbəsində Əl-Sudani ölkəsinin Avropaya, o cümlədən Almaniyaya qaz ixracını daha da artırmaq niyyətini vurğulayıb.

“Bizim neft hasilatını müşayiət edən və prosesdə yanan qazdan istifadəyə dair iddialı planlarımız var. Biz bu imkanları göstərdik və alman şirkətlərini bu sektora sərmayə qoymağa dəvət etdik”, deyə İraqın Baş naziri deyib.

Beynəlxalq Enerji Agentliyinin məlumatına görə, dünya İraq neft istehsalçıları arasında beşinci yerdədir. Qaz Avropaya Basra Gas Company tərəfindən 2022-ci ildə açılan LNG terminalı vasitəsilə də ixrac edilir.

pia.az