Milli futbolçular Ozan Tufan və Doğukan Sinikin çıxış etdiyi Hall Siti İngiltərə çempionatında Blekpul-la hesabı 1:1 heç-heçə edib...
PİA.az Türkiyə mətbuatına istinadən xəbər verir ki, məşhur iş adamı Acun Ilıcalının sahib olduğu Hall Siti İngiltərə çempionatında Blekpul-la üz-üzə gəlib. MKM stadionunda baş tutan mübarizə 1:1 hesabı ilə heç-heçə yekunlaşıb.
Blekpul 28-ci dəqiqədə Sonni Keri ilə hesabda önə keçib. Hall Siti bu qolu 77-ci dəqiqədə Oskar Estupinanla qarşılayıb. Blekpul-da Cordan Tornili 53-cü dəqiqədə qırmızı vərəqə alıb və komandasını 10 futbolçu ilə tərk edib.
Ozan Tufan Hall Siti-də 90 dəqiqə meydanda qalıb. Doğukan Sinik isə 60-cı dəqiqədə oyuna daxil edilib. Bu nəticədən sonra Hall Siti xallarını 27-yə, Blekpul isə 25-ə yüksəldib.
Hall Siti liqanın növbəti həftəsində Birminqama gedəcək. Blekpul isə doğma meydanda Şeffild Yunayted-i qəbul edəcək.
pia.az
Digərxəbərlər
Populyar xəbərlər
