ABŞ Ukraynaya dron əleyhinə silahlar verir

PİA.az xəbər verir ki, bu barədə Reuters məlumat yayıb.

ABŞ Ukraynaya 275 milyon dollarlıq yeni yardım paketini elan edib. Bu paketə dronlara qarşı silahlar və HIMARS üçün raket sistemləri daxildir.

Hansı “pilotsuz” uçaş silahlarından və digər texnikadan bəhs edildiyi barədə məlumat verilmir. Eyni zamanda, Agentlik dəqiqləşdirib ki, Ukrayna Silahlı Qüvvələri HIMARS üçün raketlərdən əlavə, Qərb haubitsaları üçün 155 mm-lik mərmilər, Humvee hərbi maşınları və generatorlar alacaq.

Ağ Evin bunu cümə günü, dekabrın 9-da elan edəcəyi güman edilir. Ukraynaya yeni yardım paketi ABŞ prezidentinin Konqresin təsdiqi olmadan göndəriləcək.

Qeyd edək ki, dekabrın 2-də Raytheon şirkətinin rəhbəri Qreq Hayes Politico-ya müsahibəsində bildirib ki, ABŞ və müttəfiqləri Yaxın Şərqdəki bəzi ölkələrlə NASAMS orta mənzilli hava hücumundan müdafiə sistemlərinin müəyyən hissələrinin Ukraynaya ötürmək imkanını müzakirə edirlər. (Raytheon bu sistemləri istehsal edir). Ümumilikdə Ukraynaya səkkiz belə kompleksin tədarükü planlaşdırılır.

Dekabrın 7-də ABŞ Konqresinin hər iki palatasının müvafiq komitələri 2023-cü maliyyə ili üçün (oktyabrın 1-dən başlayaraq) rekord məbləğdə - 858 milyard dollarlıq müdafiə büdcəsi layihəsini razılaşdırıblar. Bu büdcənin 2,7 milyard dolları silah-sursat istehsal gücünün artırılması üçün Ukrayna yönəldiləcək. Bundan əlavə, Ukrayna təhlükəsizliyi təmin etmək üçün ən azı daha 800 milyon dollar alacaq.

pia.az