Yaxın Şərqdəki hərbi-siyasi vəziyyətin kəskinləşməsi fonunda neft qiymətləri artmaqdadır.
“Report” “Investing.com”a istinadən xəbər verir ki, Bakı vaxtı ilə saat 19:35-də “Brent” markalı neftin iyun fyuçerslərinin qiyməti 64,22 dollar/barel (+2,02%) səviyyəsinə çatıb.
WTI markalı neftin may fyuçersləri isə bir barel üçün 60,70 ABŞ dolları (+2,33%) səviyyəsində ticarət edilib. Ticarət sessiyası zamanı etalon neft sortlarının qiymətləri müvafiq olaraq 62,42-64,48 və 58,74-60,76 ABŞ dolları aralığında dəyişib.
Neft qiymətlərinin artmasına yəmənli husilərin yenidən Səudiyyə Ərəbistanının dövlət neft-qaz şirkəti “Saudi Aramco”nun obyektlərinə zərbələr endirməsi təsir edib.
Eyni zamanda Avropa və Asiyada koronavirus pandemiyasının intensivləşməsi qiymət artımlarını məhdudlaşdırır.
pia.az
Digərxəbərlər
Populyar xəbərlər
