“Azərbaycan qrammatikasına görə, "eşşək" sözündə qoşa "ş" hərfi var. Məncə Dövlət Dil Komissiyası bu sözün yazılış formasını dəyişməlidir. Qoşa "ş" hərflərinin birini ixtisar etməlidir. Bu halda incə, məlahətli bir söz alınar - "eşək". Fikrimcə, bu qədər adıçəkilən heyvana qarşı haqsızlıq etmişik. Hələ gec deyil onu düzəltmək”.
PİA.az-ın xəbərinə görə, bunu ekspert Samir Əliyev deyib.
“Əvəzində "ş" hərflərinin sayını artırmaqla orfoqrafiyaya yeni sözlər əlavə etmək olar və həmin sözlər istisnasız olaraq bəzi insanlara şamil edilməlidir. Məsələn, biri maşınını tıxac olan yolun kənarında saxlayıb dükana gedir. Və ya çoxmərtəbəli binanın yuxarı mərtəbələrindən yerə zibil atır, bloka, liftə tüpürür. Belələri çoxdur və onlara mütləq qoşa "ş" hərfi olan "eşşək" ifadəsi uyğun gəlir. İkinci kateqoriya insanlar var ki, yolun ortasında maşını saxlayıb bir-biri ilə söhbət edirlər. Onlar üçün artıq üçqat "ş" hərf olan sözü (eŞŞŞək) tətbiq etmək lazımdır. Bəzən olur ki, "ş" hərflərinin sayı tipajı tam ifadə etmir. Məsələn, yolun ortasında maşını saxlayıb söhbət edən sürücülərə nə qədər siqnal versən də, xeyri olmur. Belə insanlar üçün "ş" hərflərinin sayını artırmaq şərti ilə əlavə olaraq "ayyy" sözü əlavə edirsən və durğu işarəsini dalbadal düzürsən. Olur - "ayyyyy eşşşşək!!!!!". Əgər Dil Komissiyası üçün maraqlı olsa digər təkliflərimi də verə bilərəm” – S.Əliyev qeyd edib.
pia.az
Digərxəbərlər
Populyar xəbərlər
