Azərbaycanda bu il doğulan əkiz və üçəmlərin sayı bəlli olub

Bu ilin yanvar ayında Ədliyyə Nazirliyinin rayon (şəhər) qeydiyyat şöbələri tərəfindən 11 279 doğulan körpə qeydə alınıb.

Bu barədə Dövlət Statistika Komitəsindən məlumat verilib.

Məlumata görə, əhalinin hər 1 000 nəfərinə bu göstərici 13,4 təşkil edib.

Körpələrin 336-sı əkiz, 6-sı isə üçəm doğulanlardır.

Bundan başqa, yanvar ayı ərzində ölkədə 5 177 ölüm halı qeydə alınıb və əhalinin hər 1 000 nəfərinə ölüm səviyyəsi 6,1 təşkil edib. (Report)

pia.az