Netanyahu: “Bizə aidiyyatı yoxdur” - İsrail ABŞ-ın yanında yer almadı...

İsrailin baş naziri Benyamin Netanyahu Qasim Süleymaninin öldürülməsində ölkəsinin payının olmadığını dilə gətirib.

PİA.az xəbər verir ki, İsrail mətbuatında yer alan xəbərlərdə İsrail hökümətinin təhlükəsizlik nazirlərinin toplantısında Süleymaninin öldürülməsindən sonra bölgədəki gərginlik müzakirə olunub. Toplantıda baş nazir Benyamin Netanyahu ölkəsinin ABŞ-la İran arasında olan gərginliyə daxil edilməməsini vurğulayıb.

Yayılan xəbərlərdə bildirilir ki, Netanyahu, “Süleymaninin öldürüldüyü hücumda İsrailin heç bir payı yoxdur, bu səbələ də İsrail ABŞ-İran qarşıdurmasına daxil edilməməlidir”, ifadələrini dilə gətirib.

Toplantıda həmçinin qeyd olunub ki, İranın qisas alma hədəfləri arasında İsrailin vurulması ehtimalı çox aşağıdır.

Mənbə: Aydinlik.com.tr

pia.az