Amerika Müharibənin Araşdırmaları İnstitutunun (ISW) analitik hesabatına görə, Rusiyanın Luqansk bölgəsindəki hücum əməliyyatı çox güman ki, kulminasiya nöqtəsinə çatır...
Poliqon.info xəbər verir ki, hesabata görə, Rusiya ən azı üç diviziyanın birliklərinin əksəriyyətini Svatovo-Kremennaya xəttinə göndərib. Eyni zamanda, ISW analitikləri hesab edirlər ki, son bir həftə ərzində Ukraynada bütün cəbhə xətti boyunca rus bölmələrinin irəliləmə tempi azalıb.
ISW təsdiq edir ki, son bir həftə ərzində Rusiya qüvvələri taktiki uğurlara nail olmaqda davam edib, Ukrayna Silahlı Qüvvələri isə əks-hücumlarla cavab verib.
Həmçinin bildirilir ki, “Vaqner qrupu”nun Baxmuta hücumu kulminasiya nöqtəsinə yaxınlaşır.
“Son günlər “Vaqner” döyüşçüləri şəhərdə birbaşa hücumları azaldıb və Zalizyanskoye kəndini nəzarətə götürərək Baxmutun mühasirəsini genişləndiriblər”, deyə hesabatda bildirilir.
Bundan əlavə, ISW hesab edir ki, Rusiya Baxmut səbhəsində təzyiqi artıra bilər, çünki yaxınlıqda yerləşən hava-desant bölmələri hələ də hərbi əməliyyatlarda iştirak etməyib. Bununla belə, amerikalı analitiklər qeyd edirlər ki, Ukrayna Silahlı Qüvvələrinin hələ də təşəbbüsü bərpa etmək imkanı var.
Poliqon.info
Digərxəbərlər
Populyar xəbərlər
