İlon Maska məxsus neyrotexnika şirkəti "Neuralink" kompüter və telefondan əlsiz istifadə məqsədi ilə insan beyninə çip implantasiya etmək üçün klinik sınaqlar keçirməyə icazə aldığını açıqlayıb...
Poliqon xəbər verir ki, şirkət yayımlanan bir tvitində “ABŞ Qida və Dərman Administrasiyasından insan üzərində ilk klinik sınağımıza başlamaq üçün icazə aldığımızı elan etməkdən məmnunuq”, deyib.
Klinik sınaq üçün qeydiyyat hələ açıq deyil.
“Neuralink” startapı 2016-cı ilin iyulunda İlon Mask tərəfindən neyron interfeyslərin inkişafı və tam avtomatik rejimdə beyinə demək olar ki, qeyri-məhdud sayda elektrodların implantasiyasına imkan verən robotların yaradılması üzrə aparıcı mütəxəssislərin səylərini birləşdirmək üçün yaradılıb. Sahibkarın fikrincə, uzunmüddətli perspektivdə bu cür neyron interfeyslər insana süni intellektə müqavimət göstərə bilən kiborqa çevrilməyə imkan verəcək, həm də insanlara düşüncə gücündən istifadə edərək kompüteri birbaşa idarə etməyi öyrənməyə kömək edəcək.
2021-ci ilin fevral ayında “Neuralink” meymunlardakı çiplə bağlı araşdırma aparıb. Şirkətin məlumatına görə, çipə qoşulma iPhone vasitəsilə həyata keçirilir. Mütəxəssislər sinir fəaliyyətinin müəyyən hərəkətlərlə əlaqəsini öyrənib və deşifrə ediblər ki, bu da onlara rəyi təkrarlamağa imkan verib. Belə ki, onlar meymuna coystikin köməyi olmadan kursoru ekranda hərəkət etdirməyi öyrədiblər.
Poliqon.info
Digərxəbərlər
Populyar xəbərlər
