Hindistanda “İncili”nı yandırdılar, katoliklər incik düşdü…

Hindistanın cənubundakı Kerala əyalətinin katolik yepiskopları“İncil”in yandırılması videosunu sosial şəbəkələrdə yerləşdirən müsəlmanın cəzalandırılmasını və “İncil”in yandırılmasından təəssüfləndiklərini bildiriblər.

PİA.az xarici mətbuata əsasən xəbər verir ki, bu barədə fevralın 1-də Hindistanın UCA News nəşri məlumat yayıb.

Görüntülər yayıldıqdan sonra əyalət polisinin artıq şübhəliləri həbs etdiyi bildirilib.

Kerala Katolik Yepiskoplar Şurasının sözçüsü Ata Jacob G. Palakkappilli, “Bu, məzhəblərarası qarşıdurmanı qızışdırmaq üçün qəsdən bir cəhddir və günahkar cəzalandırılmalıdır”, deyib.

Palakkapıllı polisin çevik reaksiyasını təqdir edib, lakin bu şəxsin asayişi pozmağa cəhd etdiyinə görə mühakimə olunmasını istəyib.

Keçən Milad bayramında eyni adamın dövlət xəstəxanasında körpə İsanın heykəlini beşikdən atdığını qeyd edən keşiş, “bu, çox iyrənc bir hərəkətdir” deyə əlavə edib.

Qey edək ki, sosial şəbəkələrdə Qasarqod sakini Məhəmməd Mustafa kimi tanınan şəxsin Malayalam “İncil”inin nüsxəsini yandırdığı barədə video yayılıb.

Videoda Məhəmməd Mustafa bu hərəkətinin yanvar ayında İsveçdə radikal sağçı siyasətçi Rasmus Paludan tərəfindən Türkiyənin Stokholmdakı səfirliyi qarşısında yandırılan Quranın nüsxəsinin qisasını aldığını deyir.

Dünyanın bir çox yerində qəzəbli müsəlmanlar bu hərəkətə qarşı etiraz aksiyaları keçirsələr də, Hindistanda belə bir reaksiyadan çəkiniblər.

Təqsirləndirilən Mustafanın əqli cəhətdən qeyri-sabit olduğu güman edilir, lakin indi bir çoxları onun cəzadan yayınmaq üçün simptomları saxtalaşdıra biləcəyinə inanırlar.

Kerala Yepiskoplarının Sosial Harmoniya və Sayıqlıq Komissiyası da İncilin yandırılmasını pisləyib və hökuməti təqsirləndirilən şəxslərə qarşı sərt tədbirlər görməyə çağırıb.

Xatırladaq ki, xristianlar Kerala ştatında üçüncü ən böyük dindir, onlar ştatların 33 milyon əhalisinin 18,38%-ni təşkil edir. Hindular 54,56%, müsəlmanlar isə 26,56% təşkil edir.

pia.az