Həmas 23 taylandlı girovu azad etməyə razılaşıb

Poliqon xəbər verir ki, bu barədə Misirdəki mənbəyə istinadən “Əl-Ərəbi Əl-Cədid” qəzeti məlumat yayıb.

Nəşrin yazdığına görə, İran Tailand və HƏMAS arasında sazişin bağlanmasında vasitəçi kimi çıxış edib. HƏMAS silahlıları ilə danışıqlardan sonra Banqkoka Qəzza zolağının sənaye rayonlarından birində işləyən və girov götürülən 23 Tailand vətəndaşı haqqında məlumat verilib.

Tailandın Xarici İşlər Nazirliyinin məlumatına görə, HƏMAS-ın İsrail ərazisinə hücumu nəticəsində 39 taylandlı öldürülüb, 26 nəfər isə Qəzza zolağına sürülüb.

Noyabrın əvvəlində Tailand hakimiyyəti öz vətəndaşlarının azad edilməsinə nail olmaq üçün HƏMAS ilə birbaşa danışıqlara başladığını elan edib. Girovların azad edilməsi üzrə missiyanın rəhbəri Arepen Uttarasin Tehranda silahlılarla görüşdən danışıb, onun sözlərinə görə, Tailand vətəndaşlarının “lazımi zamanda” azad ediləcəyinə dair təminat alınıb.

Poliqon.info