Faktiki hava açıqlanıb - Yenilənib

İyunun 1-i saat 14:00-a olan məlumata əsasən hava sabit, əsasən yağmursuz keçir. Zəif şərq küləyi əsir.

Bunu APA-ya açıqlamasında Milli Hidrometeorologiya Xidmətinin Proqnozlar Bürosunun direktoru Gülşad Məmmədova deyib. Onun sözlərinə görə, mayın 31-də axşam saatlarında güclü şimal-qərb küləyinin əsdiyi Göyçay rayonunda hazırda hava sabit, yağmursuzdur. Havanın temperaturu 24-26 dərəcədir:

“Qəbələ, İsmayıllı, Şamaxı, Şəki, Zaqatala rayonlarında leysan xarakterli yağışlar yağsa da, hazırda hava sabit, əsasən yağmursuzdur. Havanın temperature 22-24 dərəcədir. Bu gün günün ikinci yarısından başlayaraq yağışlı hava şəraitinin davam edəcəyi gözlənilir. Əsasən Qazax-Gəncə, Balakən-Şəki, Lənkəran-Astara zonasında yağıntıların leysan xarakterli, intensiv olacağı, şimşək çaxacağı, dolu düşəcəyi ehtimal olunur. Qərb küləyi bəzi bölgələrdə arabir güclənəcək. Havanın temperaturu günorta saatlarında 25-27, dağlıq ərazilərdə isə 13-18 dərəcə olacaq. Gözlənilən yağıntılarla əlaqədar çaylarda sululuğun artacağı ehtimal olunur, bəzi çaylardan sel keçəcəyi istisna olunmur”.

***

***

İyunun 1-i saat 12-nə olan məlumata görə, ölkə ərazisində hava şəraiti sabit, əsasən, yağmursuzdur.

Bunu  Milli Hidrometeorologiya Xidmətinin Proqnozlar Bürosunun direktoru Gülşad Məmmədova deyib.

“Zəif şərq küləyi əsir. Mayın 31-də Göyçay rayonunda axşam saatlarında güclü külək müşahidə olsa da, hazırda zəif şərq küləyi əsir. Havanın temperaturu 24-26 dərəcə istidir. Qəbələ, Şamaxı, Şəki, Zaqatalada dünən axşam saatlarında intensiv yağış müşahidə olundu. Hazırda hava yağmursuzdur. Temperatur 22-23 dərəcə istidir”, - o, bildirib.

O bildirib ki, günün birinci yarısında ölkə ərazisində havanın sabit, əsasən yağmursuz keçməsi müşahidə olunsa da, günorta saatlarında bəzi yerlərdə yağış yağacaq:

“Əsasən Qazax-Gəncə, Balakən-Şəki, Quba-Xaçmaz rayonlarında yağıntıların leysan xarakterli, intensiv olacağı, şimşək çaxacağı, dolu düşəcəyi ehtimal olunur. Yağıntılarla əlaqədar çaylarda sululuğun artacağı, bəzi dağ çaylarından qısamüddətli sel keçəcəyi istisna olunmur”.

Poliqon.info