Çexiyanın Daxili İşlər Nazirliyi könüllü repatriasiya üçün pilot layihəyə start verib...
Poliqon bu barədə "Radio Prague International"a istinadən xəbər verir.
Qeyd olunur ki, nazirlik 400 nəfərin avtobus biletini ödəyəcək, 30 xəstənin isə təcili tibbi yardım maşını ilə daşınmasını təmin edəcək.
Könüllü qayıdış konsepsiyası mayın ortalarında hökumət tərəfindən təsdiq edilib. Layihənin həyata keçirilməsi üçün 5,5 milyon çex kronu (təxminən 240 min dollar) ayrıldığı dəqiqləşdirilir.
Nəşr qeyd edir ki, qaçqınlar ödənişli qayıtmaq hüququndan yalnız bir dəfə istifadə edə biləcəklər. Layihə 2024-cü ilin iyunundan noyabr ayına qədər davam edəcək.
İnteqrasiya və Miqrasiya Assosiasiyasının direktoru Maqda Faltova deyib ki, qaçqınların yalnız kiçik bir hissəsi geri qayıtma layihəsinin xidmətlərindən istifadə edəcək. Onun sözlərinə görə, bunlar əsasən pulu olmayan və ya səhhətində problem olan insanlar olacaq. Respublika Daxili İşlər Nazirliyinin aprel məlumatlarına görə, Çexiyada müvəqqəti mühafizə olunan 339 minə yaxın insan yaşayır.
Aprelin ortalarında Ukrayna prezidenti Volodimir Zelenski səfərbərliyi gücləndirən qanun imzalayıb. Bundan sonra Ukrayna hakimiyyəti ölkədən kənarda hərbi xidmət keçməli olan kişilərə daxili və xarici pasportların verilməsinə qadağa qoyub. Aprelin 23-dən hərbi yaşda olan ukraynalılarla bağlı bütün konsulluq tədbirləri dayandırılıb.
Aprelin sonunda Ukrayna baş nazirinin müavini Olqa Stefanişina bəyan edib ki, ölkə rəhbərliyi xaricdəki soydaşlarını zorla vətənlərinə qaytarmağı planlaşdırmır. Onun sözlərinə görə, onlar yalnız TCC ilə məlumatlarını dəqiqləşdirməlidirlər, lakin bu, cəbhəyə avtomatik göndərilmə demək deyil.
Poliqon.info