Rusiya martın əvvəlindən bəri ilk dəfə olaraq Ukraynanın cəbhədən uzaq şəhərlərinə raket zərbəsi endirib. Raketlər iki evə düşüb...
Poliqon xəbər verir ki, cümə günü gecə saatlarında Rusiya Ukraynanın cəbhədən uzaq şəhərlərinə zərbələr endirib, nəticədə Çerkas vilayətinin Uman şəhərində çoxmərtəbəli binaya və Dneprdə şəxsi evə raketlər düşüb. Verilən məlumata görə bu, Rusiyanın Bryansk vilayətindəki təxribata cavabdır. Qeyd edilir ki, bu, martın 9-dan bəri Rusiya Ukraynanın dinc şəhərlərini atəşə tutmamışdı.
Ukrayna Silahlı Qüvvələri gecə saatlarında Ukrayna şəhərlərinə 23 “X-101” və “X-555” raketlərinin atıldığını, onlardan 21-inin hava hücumundan müdafiə qüvvələri tərəfindən vurulduğunu bildirib. Bundan əlavə, Kiyevin məlumatına görə, İran dronları da Ukrayna ərazisinə buraxılıb.
Vurulmayan raketlərdən biri Umanda yaşayış binasına düşüb, Daxili İşlər Nazirliyi 4 nəfərin öldüyünü, daha 17 nəfərin yaralandığını bildirib. Dneprdə şəxsi evə düşən raket nəticəsində isə 31 yaşlı qadın və iki yaşlı qız həlak olub. Yerli administrasiyanın məlumatına görə, üç nəfər yaralanıb. Zərbədən sonra yanğın başlayan tikinti bazasında daha bir qadın yaralanıb.
Bundan başqa, Kiyev vilayətinin Ukrainka şəhərində vurulan raketin parçaları hündürmərtəbəli binaya düşüb, biri uşaq olmaqla iki nəfər yaralanıb. Kiyevin Obolonski rayonunda yerli elektrik xətti və yol örtüyü zədələnib, administrasiya rəhbəri bildirib.
Qeyd edək ki, Rusiya oktyabrın ortalarından bəri Ukraynanın cəbhədən uzaqda yerləşən enerji infrastrukturuna müntəzəm olaraq raket zərbələri endirir. Təhlilçilər və hüquq müdafiəçiləri bildiriblər ki, kritik infrastrukturu atəşə tutmağa başlayan Moskva bu zərbələrin əsas təsirinin qışda olacağını gözləyirdi. Müşahidəçilər ukraynalıların mənəviyyatını sarsıtmağı və Kiyevi danışıqlara sövq etməyi atəşə tutulmaq üçün ehtimal hədəflər adlandırıblar.
Poliqon.info