“Azercell”in eksklüziv tərəfdaşlığı ilə “Bakı Marafonu - 2023” baş tutdu - Video

19500 idmansevər “Küləyə qalib gəl” şüarı altında həyata keçən, start və finiş nöqtələri Dövlət Bayrağı Meydanında olan bu yarışa qatılıb. Həm Azərbaycandan, həm də dünyanın fərqli ölkələrindən marafonçuları bir araya gətirən tədbirdə yarışçılar 21 kilometr məsafəni qət ediblər.

“Azercell”in dəstəyi ilə keçirilən marafonda rəqəmsal xronometrdən (timekeeper) istifadə olunub. Marafonçuların nişan nömrələrinə yerləşdirilmiş bu xüsusi mikroçiplər nəticələrin maksimal dəqiqliyini təmin edərək onların dərhal qeydə alınmasını mümkün edib.

“Azercell” idmanın inkişafına dəstək göstərmək, sağlam həyat tərzini təbliğ etmək məqsədilə 2017-ci ildən etibarən bu mötəbər tədbirə tərəfdaşlıq edir. Ənənəvi olaraq bu il də təşkil edilən marafona “Azercell Telekom” MMC-nin prezidenti və rəhbər heyəti, eləcə də şirkət əməkdaşları və “Azercell”in korporativ abunəçiləri qatılıblar.

“Azercell Telekom” azərbaycanlı qalibləri xüsusi hədiyyələrlə mükafatlandırıb. Mobil operator finiş xəttini keçən ilk üç qadın və üç kişi atletə mobil telefon hədiyyə edib. Ənənəyə sadiq qalaraq tədbirin tələbə iştirakçıları da diqqət mərkəzində olublar. “Azercell” qalib tələbələrə (bir qadın və 1 kişi olmaqla) 010 prefiksli gözəl nömrə, 5GB İnternet, 6 aylıq pulsuz istifadə müddəti olan “GəncOl” tarif paketi və çanta təqdim edib. Digər marafonçulara da şirkət tərəfindən xüsusi hədiyyələr verilib. 

Poliqon.info