Yeni varianta görə, Kiyev sursat və silahlar, eləcə də daha təkmil ballistik və uzaqmənzilli raketlər ala bilər...
Münhen Təhlükəsizlik Konfransının keçmiş rəhbəri Volfqanq İşinger hesab edir ki, ölkə NATO-ya daxil olmadan Ukraynaya təhlükəsizlik zəmanəti vermək variantlarından biri Alyansın “müdafiə eskalasiyası” adlanan vəziyyətə keçməsi ola bilər. Bu zaman NATO qoşunları Rusiya Silahlı Qüvvələrinin Kiyevə yeni zərbələrinə cavab verəcək.
Poliqon xəbər verir ki, Volfqanq İşinger bu barədə Politico nəşri üçün hazırladığı məqalədə yazıb.
Münhen Təhlükəsizlik Konfransının keçmiş rəhbərinin sözlərinə görə, NATO-nun Vilnüsdə keçiriləcək (11-12 iyul) sammitində Alyans Moskvaya mesaj verə bilər ki, məsələn, bundan sonra Rusiya Silahlı Qüvvələri tərəfindən Ukraynanın mülki obyektlərinin hər hansı birinin atəşə tutulması Qərbin konkret tədbirlər görməsinə gətirib çıxaracaq. Xüsusilə, Kiyev sursat və silahlar, eləcə də daha təkmil ballistik və uzaqmənzilli raketlər alacaq.
İşinger təklif edib ki, NATO Ukraynaya silah tədarükü və proqramlarında, təlimlərdə, kəşfiyyat məlumatlarının mübadiləsində, Alyans şurasının iclaslarında daimi qonaq qismində səsvermə hüququ olmadan iştiraka da icazə verə bilər.
Diplomat başqa bir strategiyanı Ukraynanın öz siyasətində Qərbin İsrailə dəstəyindən nümunə götürərək, ilk növbədə ABŞ ilə ikitərəfli təhlükəsizlik sazişlərinə etibar etməsinin mümkünlüyü adlandırıb.
Qeyd edək ki, Almaniya kansleri Olaf Şolts isə bildirib ki, Almaniya münaqişənin bitməsindən sonrakı dövr üçün Ukraynaya təhlükəsizlik zəmanəti hazırlamağa borclu hesab edən ölkələrdən biridir.
Poliqon.info
Digərxəbərlər
Populyar xəbərlər
