Avropa Komissiyasının rəhbəri Ursula fon der Leyen Avropa İttifaqı Çinlə ticarət müharibəsinə girmək niyyətində deyil...
Poliqon xəbər verir ki, AK rəhbəri bu barədə Financial Times nəşrinə müsahibədə danışıb.
"Biz rəqabət istəyirik, birlikdə ticarət etmək istəyirik, lakin bunun ədalətli və qaydalara uyğun olmasını istəyirik. Bu, ABŞ-dan daha differensiallaşdırılmış, məqsədyönlü yanaşmadır", deyə fon der Leyen bildirib.
AK sədri vurğulayıb ki, Avropa bazarının Çinə bağlanmasından söhbət getmir. O, etiraf edib ki, Avropa İttifaqı ultra ucuz Çin məhsullarının yerli bazarı doldurmasından narahatdır. Eyni zamanda, Avropadan olan şirkətlər ədalətli şərtlərlə Çin bazarına girməyə çalışarkən problemlərlə üzləşirlər.
Ötən həftə ABŞ yerli istehsalı dəstəkləmək üçün Çindən idxal olunan mallara tarifləri artırıb. Yeni tariflər yarımkeçiricilər və elektrik avtomobilləri də daxil olmaqla geniş çeşiddə məhsullara təsir göstərib.
Poliqon.info