Türkiyədə hələ də dövlət çevrilişi edə biləcək qurumlar və güc mərkəzləri mövcuddur?

Politoloq: “Dünən Türkiyədə yayılan məlumatlar hər bir Azərbaycan vətəndaşını narahat edən məlumat oldu”.

“Nəzərə almalıyıq ki, Türkiyə prezidenti hakimiyyətdə olduğu 22 il müddətində bundan daha çətin vəziyyətlə üzləşib”.

Bu sözləri politoloq Oktay Qasımov Türkiyədə dövlət çevrilişinə cəhd iddiasını Poliqon-a şərh edərkən qeyd edib.

Milliyyətçi Hərəkat Partiyasının (MHP) sədri Dövlət Baxçalının dövlət çevrilişi ilə bağlı verdiyi bəzi açıqlamalarından sonra Rəcəb Tayyib Ərdoğan prezident iqamətgahında ölkənin ədliyyə naziri Yılmaz Tunc və Milli İstehbarat Təşkilatının rəhbəri İbrahim Kalınla gecə təcili görüş keçirib. Görüşdə Daxili İşlər naziri Əli Yerlikayanın iştirak etməməsi diqqət çəkib və Ankarada çoxlu sayda polis dövlət çevrilişi ittihamı ilə həbs edilib. Eyni zamanda daha çox kürd siyasətçilərin toplaşdığə DEM Partiyada da saxlanılanlar var.

Türkiyədə son dövlət çevrilişi iddialarını necə dəyərləndirmək olar? Türkiyədə hələ də dövlət çevrilişi edə biləcək qurumlar və güc mərkəzləri mövcuddur?

Türkiyə baş verən hadisəni Poliqon-un əməkdaşı politoloq Oktay Qasımov ilə müzakirə edib.

Oktay Qasımov: “Artıq hansısa bir qrum, ya da təşkilat Türkiyədə dövlət çevrilişi etmək iqtidarında deyillər”.

Son yayılan məlumatlar narahatlıq doğursa da, bunun ciddi səviyyədə bir məsələ olacağına inanmayan politoloq vurğulayıb ki, Türkiyə dövlətinin əsas strukturları bu cür təhlükələrin qarşısını dərhal almağa qadirdirlər:

“Dünən Türkiyədə yayılan məlumatlar hər bir Azərbaycan vətəndaşını narahat edən məlumat oldu. Belə ki, Türkiyədə dövlət çevrilişinə cəhdlə bağlı müəyyən sayda polis əməkdaşlarının həbs edilməsi və digər siyasətçilələrin də bu işə qarışması ilə bağlı yayılan məlumatlar, iddialar narahatedici məqamdır.

Amma nəzərə almalıyıq ki, Türkiyə prezidenti hakimiyyətdə olduğu 22 il müddətində bundan daha çətin vəziyyətlə üzləşib. Xüsusilə 2007-ci ildə o zamankı baş qərargah rəisi və ordu tərəfindən yayılan bəyanat Türkiyə cəmiyyətində rezonans doğurdu. Ondan sonra müxtəlif əməliyyatlar aparıldı.

Bundan başqa 2016-cı ildə Türkiyədə hərbi çevriliş cəhdi oldu. 300-ə yaxın Türkiyə vətəndaşı həmin şevriliş vaxtı həyatını itirdi, yaralananlar oldu. Amma Türkiyə xalqı dövlət çevrilişinin qarşında dimdik dayanaraq xain planın həyata keçməsinə imkan vermədi.

Oktay Qasımov: “Hesab etmirəm ki, son baş verən hadisə Türkiyə dövləti üçün hansısa bir təhdid yaradır”.

Son yayılan məlumatlar da narahatlıq doğursa da, hesab edirəm ki, bu ciddi səviyyədə olacaq məsələ deyil. Türkiyə dövlətinin əsas strukturları bu cür təhlükələrin qarşısını dərhal almağa qadirdirlər. Bu cür cəhdlər də bundan sonra heç bir nəticə verməyəcək. Artıq Türkiyə dövləti 35-40 il əvvəli dövründən fərqli dövrünü yaşamaqdadır.

Mən hesab etmirəm ki, artıq hansısa bir qrum, təşkilat Türkiyədə dövlət çevrilişi etmək iqtidarındadır. Bu baxımdan hesab etmirəm ki, son baş verən hadisə Türkiyə dövləti üçün hansısa bir təhdid yaradır”.

Nərminə UMUDLU
Poliqon.info