«Rusiya bazarındakı mineral suların 80 faizi saxtadır!» – Bəs, Azərbaycanda vəziyyət necədir?

Spiker bu rəqəmi bazar ertəsi, iyulun 8-də Stavropol diyarının hakimiyyəti ilə keçirdiyi iclasın gedişində səsləndirib.

«Rəflərdə mənşəyi məlum olmayan daha çox «mineral» sular var. Espertlərin qiymətləndirməsinə görə, dükanların rəflərində yerləşdirilmiş mineral suların 80,0 faizi öz adına uyğun gəlmir» – deyə, «İnterfaks» Matviyenkodan sitat gətirir.

Federasiya Şurası sədrinin sözlərinə görə, hakimiyyət bu mövzunu diqqətdə saxlayır və artıq lazımi tədbirləri görür. O, qeyd edib ki, regionlar da «kontrfakt» məhsullar istehsal edən istehsalçılarla mübarizəyə qoşulmalıdır. Nümunə qismində Matviyenko «Rospatent»i xatırladıb. Bu idarə «Yesentuki» mineral suyu istehsal edən 30 firmanı cəzalandırıb – bu firmaların heç biri eyniadlı mənbədən həmin suyu hasil etmir.

Bundan əvvəl, iyun ayında xəbər verilmişdi ki, «Rospatrebnadzor» kontrfakt məhsulların istehsalı və dövriyyəsini aradan qaldırmaq məqsədilə, xüsusi markalama təklif edib. Uyğun təklif Rusiya Sənaye və Ticarət Nazirliyinə göndərilib…

Təəssüf hissi ilə qeyd edilməlidir ki, bu baxımdan Azərbaycan bazarında vəziyyət, ümumiyyətlə, fəlakətli həddə çatıb – mağazalarda satışa çıxarılan ərzaq məhsullarının təxminən, 95 faizinin mənşəyini müəyyən etmək mümkün deyl. Nədən ki, ölkəmizdə «Ticarət və xidmət qaydaları» adlı hökumət sənədinin tələblərinə 100/100 əməl olunmur, hökumət isə həyat əlamətləri göstərmir…

Elə götürək, Rusiyanın mineral sularını – məsələn, «Yesentuki» sularını. Matviyenkonun sözlərinə görə, Rusiya bazarında «Yesentuki» adı altında istehlakçılara təklif olunun «mineral» suyun 80,0 faizi saxtadır. Belə bir vəziyyətdə qonşu ölkədən Azərbaycana orijinal «Yesentuki» suyunun gətirilməsi ən azı, şübhəli görünür. Bəs, bu sular (digərləri) Azərbaycan bazarına necə yol tapır?

Şübhə yoxdur ki, onlar elə Azərbaycanın özündə «bütılkalara doldurulur» və müvafiq qaydada markalanır. Deməli, Azərbaycanın müvafiq strukturları sadəcə, bu vəziyyətə göz yumur!

İndi yayın isti günləridir – əhalinin müəyyən kateqoriyası sərinləşdirici içki qismində «pivəyə dəm verir». Fəqət, heç kim fərqinə də varmır ki, içdiyi PİVƏ DEYİL - ən yaxşı halda, təmizlənməmiş spirtdən (digər halda isə texniki spirtdən) hazırlanmış kontrfakt məhsuldur. Belə vəziyyətin hökm sürdüyü bir zamanda «Qida təhlükəsizliyi kontoru» bütün bunlara göz yumur və görüntü yaratmaq məsədilə, hərdən qeyri-kompetent çıxışlar edir – «arabanın yeddinci təkəri»ndən dəm vurur…

pia.az